عم اوغلو نوحه‌سی1

گؤردۆم باشێوێ نئیـزه‌ده تـؤکـــدۆم یـۆزه قــانیــاش

گلدوم3 باشۇن آردونجـه4 بۇ شامـه کیمـی بیربـاش

قان آغلامئیوم5 نئیلئیوم6 ایمدی7، من-ی-کـول‌باش8

درد-ی-غم الینـده جیگـه‌ریــم قاندور9 عــم اوْغلــێ

 

شام اهلینه، باخ گـؤر نـه تمـاشایـه دۇرۇبـلار

هر گوشه ده بیر داییره‌ی-ی-عئیش قۇرۇبـلار

عوریان باشێـوێ نئیـزه‌یـه ظـۆلمیلـه وۇرۇبـلار

یا کیم10 «شجر موسی عمران»دی عم اوْغلێ

 

گئیمیش هامێ بۇ عوره‌ت اۇشاق، خلعه‌ت-ی-فاخیـر

باخدوخجه11 عـم اوْغلـێ منـه ائیلـه‌لــلــه‌ر12 تفـاخـور

هــر چــنــد اسیـــره‌م گــینــــــه شــهــزاده‌ام آخـــه‌ر

شهــزاده‌یــه آیــا بــۇ غــم، آســانـــدور عــم اوْغلــێ

 

بیر-بیرده دییـه‌للـــه‌ر13 بــۇ گلیــن تــازه گلـیــن دیـر

صد حئیف کی مغلول-ی-غل-ی-شئمر-ی-لعین‌دیر

هــر درد ده‌ن آرتـــوخ14 منـــه بـــۇ درد چتیـــن دور15

توْی حیجله‌گَهیم ناقـه‌ی-‌ی-عـوریانـدی عـم اوْغلـێ

 

بولدون16 منی بۇ دهرده غـم چکمـه‌گـه لایێـق

منده ائله‌دیم سنـده‌ن اؤتـۆر قطـع-ی-عـلاییـق

چون رسمدور عاله‌مده اوْلۇر مؤحنـه‌تـه شایێـق

هر کیم کی اسیر-ی-غم هیجراندور عم اوْغلێ

 

ائی حضرت-ی-یوسیفده‌ن اوْلان حوْسنده افزون

بۇ خـلـق زلیخـا کیمــی اوْلمــۇش سنـه مفتـون

باش وئرسه اگه‌ر باشون آلان کس دگو17 مغبون

جان نه قدری بۇ بــازارده ارزانـدی عــم اوْغلــێ

 

بۇ مملـکتــین چوْخــدۇر عجـــه‌ب مِـلــک بــلادی

چین-ی-سر زولفون کیمی اعظـم دو18 سـوادی

ظۆلمه‌ت‌کـده-ی-غمدور نچـون شامـدور آدێ{؟}

درد اهلینـه یا شـام-ی-غریبـانــدور عـم اوْغلـێ

 

آخشـاما کیمـی یازسان اگر قصـه‌ی-ی-شامـی

ایتمامه یئتیشمه‌ز بـۇ سـؤزۆن یوْخــدێ تمامـی

سؤز اؤزگه‌سینونـدور19 دگـو «صـرّاف» کـلامــی

زۆلف-ی-سییه‌هون یۆزده پریشاندور عم اوْغلێ

ـــــــــــــــــــــــــــــــــــــــ

1- سییه‌هین

2- پریشاندیر

3- گلدیم

4- آردۇنجا، آردێنجا

5- آغلامایێم

6- نئیله‌ییم

7- ایندی

8- کول‌باش: خاک بر سر

9- قاندێر

10- مثل، مانند

11- باخدوقجا

12- ائیله‌رله‌ر

13- دییه‌رله‌ر

14- آرتێق

15- دیر

16- بیلدین

17- دگی، دگیل

18- دی، دیر

19- اؤزگه‌سینیندیر

/ 1 نظر / 25 بازدید
سحر

در حوالی شب پرسه میزدیم و از درز پنجره های کوچک ستارگان قطره قطره نور میچکد. "نجوای چند سایه زیر سپیدار و خیابانهای خالی از سلام و تبسمهای تلخ شب......." صدای شب فقط همین بود سکوت" ما از این جاده گذشتیم و هزاران هزار خاطره ره اورد این جاده هاست. بی انکه بدانم این همه بغض گره بسته در گلویم از چیست؟؟؟؟ غبار پیراهنم را میتکانم ......... تموم زندگیم لبریز میشه از حسرت سلام دوست عزیز..حلول ماه مبارک رمضان ماه مهمانی خدا رو به شما مهربان تبریک می گم...با امید به اینکه تمامی طاعات وعبادات ما در این ماه عزیز مورد قبول درگاه خداوند بزرگ و منان قرار بگیره...دوست داشتی یه سربه کلبه آبجی بزن ...راستی یادت نره به آبجی سربزنی آبجی آپ کرده ها.....روز دل انگیزی داشته باشی[گل]