تبریزلی حاج رضا صراف

صرافین تورکجه نوحه لری و مرثیه شعرلری

حضرت علی (ع) مدحی
ساعت ٩:٢٦ ‎ق.ظ روز ۱۳۸۸/٦/۱   کلمات کلیدی: مدح ،حضرت علی (ع)

حضرت علیع ین مدحینده

قوْشار: تبریزلی صرّاف

 

ای جمالی مظهر آیات کبرا یا علی

وی جلالیندن جلال حق هویدا یا علی

 

فیض جودیندن وجود ماسوا موجود اوْلۇب

ائی وجود ماسوایه فیض عظما یا علی

 

نور حق آیینه‌ی ذاتینده اوْلمۇش جلوه‌گر

ای صفاتُ‌اللاهه مرأت تجلّا یا علی

 

لوح حسنونده یازێلمێش آیه‌ی اللهُ نور

صورتینده کلمه‌ی مشکاة معنا یا علی

 

سن بۇ مخلوقاته باب علمی مفتوح ائیله‌دین

شاهدیمدیر سوره‌ی انّا فتحنا یا علی

 

الف قدّین خلقه لاء نفی اثبات ائیله‌دی

کلمه‌ی توحیده سن‌سن الف الّا یا علی


من نئجه وصف ائیلئیوم1، خالق سنه مدّاح اوْلۇب

دوْلدۇرۇب قرآنی اوصافون سراپا یا علی

 

کمّ و کیف ذاتیوی درک ائتمه‌ز اوهام عقول

ذات پاکین دیر مرکّب دن مبرّا یا علی

 

گر دییه‌م ممکن سنه، سن تک بشر ممکن دگیل

ور دئسه‌م واجیب اوْلۇر کفریم هویدا یا علی

 

ائیله ممکن سن کی واجیب دیر وجودین عالمه

ای وجودی علّت غائی اشیا یا علی

 

نار قهریندن اوْلۇر نار جهنّم شعله‌ور

نور مهریندن دوْلۇب فردوس اعلا یا علی

 

پرتو نور جمال بی‌مثالیندان سنین

مقتبس دیر آفتاب عالم آرا یا علی

 

ای ولی‌الله اعظم عالم و آدم سنه

بنده دیر سن‌سن بۇ مخلوقاته مولا یا علی

 

خواجه‌ی قنبر، امیرالمؤمنین یعسوب دین

فاتح خیبر شه دنیا و عقبا یا علی

 

ای کلام‌الله ناطق وی کلید «کُنتُ کنز»

آشکار اوْلمۇش سنیله گنج اخفا یا علی

 

باب شُبیر و شَبر ابن عمّ خیرالبشر

صاحب محراب و منبر زوج زهرا یا علی

 

ای دُر بحر شرف، شاهنشه ملک نجف

سرّ حق سندن اوْلۇب عالمده پیدا یا علی

 

پادشاه کون امکان جسم مخلوقاته جان

سرور مردان امیر ملک بطحا یا علی

 

قدرت الله حجت الله جانشین مصطفیٰ

آیه‌ی رحمت، ولیِّ حیِّ یکتا یا علی

 

عالِمِ علم «سلونی» معنی «امُّ‌الکتاب»

واقف اسرار سرّ «لیل اسرا» یا علی

 

عروةُ الوثقی‌یه معنا، تاجدار انّما

قفل گنج «هل أتی» مصداق طاها یا علی

 

ای شه والا مکان پیوسته ائیله‌ر آرزو

درگه‌ین اسفل مقامین عرش عُلیا یا علی

 

آب اوْلۇر آتش سر کویین هواسیندن سنین

خاک پایین دیر عجب گوگرد حَمرا یا علی

 

آستانِ درگهِ پاکین چێراغان ائتمه‌گه

مشعل خورشید اله آلمێش مسیحا یا علی

 

سن صفی‌اللاهه وئردین زنگ محنتدن صفا

اسم پاکین دیر سنین اسماءِ حُسنا یا علی

 

نار نمرودی ائدیب لوطفین خلیله گلستان

پور آذر اوْلمئیۇب2 آزرده اوْتدان3 یا علی

 

فُلک محنتدن تاپێب نوح نبی‌الله نجات

اوْندا کیم ائتدی سر کویینده مأوا یا علی

 

سن ذبیح‌اللاهه مشق عشقی تعلیم ائیله‌دین

وئرمه‌میش باشێن آلێب تاجِ «فَدَینا» یا علی

ـــــــــــــــــــــــــــــــــــــــــــــــــ

1- ائیلئییم، ائیله‌ییم

2- اوْلمایێب

3- اوْددان