تبریزلی حاج رضا صراف

صرافین تورکجه نوحه لری و مرثیه شعرلری

ایسته‌ر کونول
ساعت ٩:٤٥ ‎ب.ظ روز ۱۳۸۸/٩/٢٢   کلمات کلیدی: متن نوحه

یا امام حسین قبر-ی-پاکێن ایسته‌ر کؤنۆل

قوْشار: تبریزلی سیّد رضا صرّاف

 

قبر-ی-پاکێن یا حسین مدّتدی ایسته‌ر کؤنۆل

زاره گلمیش بیر مقام-ی-آه-وْ-زار ایسته‌ر کؤنۆل

 

مـعصیـت‌کــارم منـه تـوفیقیـن هــر گـه یـار اوْلــۇر

نقطه‌ی-ی-مجرم گئده‌ر، دل محرم-ی-اسرار اوْلۇر

قبر-ی-اکبر عاشئق-ی-منصوره پای-ی-دار اوْلۇر

پایدار اوْلماقلێقا بیر پای-ی-دار ایسته‌ر کؤنۆل


 
فاطمه صغرا س
ساعت ٩:٤۱ ‎ب.ظ روز ۱۳۸۸/٩/٢٢   کلمات کلیدی: متن نوحه

جناب فاطمه صغرا (س) دیلیجه حضرت علی اکبر (ع) نوحه‌سی

قوْشار: تبریزلی سیّد رضا صرّاف

 

آغــلارام سنده‌ن سوْرا، قارداش علی زار آغلارام

آغــلارام تـا هـر قـده‌ر جـانیمـده جـان وار آغلارام

 

سن گئده‌ن گۆنده‌ن وطن سن‌سیز منه زیندان اوْلۇب

سربه‌سر معموره‌ی-ی-عئیشیم، علی ویران اوْلۇب

دامه‌نیم تر، روزیگاریم تیره، اشکیم قان اوْلۇب

اوْلمۇشام سرتا به پا من دیده خونبار آغلارام


 
حضرت علی (ع) نوحه‌سی 2
ساعت ٩:۳٥ ‎ق.ظ روز ۱۳۸۸/٦/۱   کلمات کلیدی: متن نوحه ،حضرت علی (ع)

ابن-ی-ملجم نامسلمان یا امیرالمؤمنین

ائیله‌دی ظۆلمینده طوغیان یا امیرالمؤمنین

 

دوْلدۇرۇبسان گؤردی بۇ دونیانی فضل-وْ-جودیله‌ن

اوْلمۇسان مشغول-ی-صؤحبه‌ت، حضرت-ی-معبودیله‌ن

بیر قێلێج ویردی1 باشۇندان تیغ-ی-زهر آلودیله‌ن

اوْلدێ موْنشه‌ق2 ماه-ی-تابان یا امیرالمؤمنین


 
حضرت علی ع نوحه‌سی 1
ساعت ٩:۳٠ ‎ق.ظ روز ۱۳۸۸/٦/۱   کلمات کلیدی: متن نوحه ،حضرت علی (ع)

حضرت علیع مین شهاده‌تینه گؤره نوحه

قوْشار: تبریزلی صراف

 

چون تُراب-ی-تیره اوْلدێ1، خوابگاه-ی-بوتُراب

عرشیدن گلدی نیدا، یا لیتنیٰ کُنتُ تراب

 

چوْخ بلالر چکدی بۇ عاله‌مده شاه-ی-لافتا

هر غمه صبر ائیله‌دی اوْل معده‌ن-ی-جود-وْ-عطا

وئردی باش مئحراب-ی-عباده‌تده بوْیاندێ قانه تا

اهل-ی-عئشقه بیربه‌بیر اوْلسۇن اوْباشدان فتح-ی-باب


 
حضرت علی (ع) مدحی
ساعت ٩:٢٦ ‎ق.ظ روز ۱۳۸۸/٦/۱   کلمات کلیدی: مدح ،حضرت علی (ع)

حضرت علیع ین مدحینده

قوْشار: تبریزلی صرّاف

 

ای جمالی مظهر آیات کبرا یا علی

وی جلالیندن جلال حق هویدا یا علی

 

فیض جودیندن وجود ماسوا موجود اوْلۇب

ائی وجود ماسوایه فیض عظما یا علی

 

نور حق آیینه‌ی ذاتینده اوْلمۇش جلوه‌گر

ای صفاتُ‌اللاهه مرأت تجلّا یا علی

 

لوح حسنونده یازێلمێش آیه‌ی اللهُ نور

صورتینده کلمه‌ی مشکاة معنا یا علی

 

سن بۇ مخلوقاته باب علمی مفتوح ائیله‌دین

شاهدیمدیر سوره‌ی انّا فتحنا یا علی

 

الف قدّین خلقه لاء نفی اثبات ائیله‌دی

کلمه‌ی توحیده سن‌سن الف الّا یا علی


 
عم اوغلو نوحه‌سی2
ساعت ٩:٢٤ ‎ق.ظ روز ۱۳۸۸/٦/۱   کلمات کلیدی: متن نوحه ،حضرت قاسم ع

شام یوْلۇندا حضرت قاسمع آداخلێ‌سێ اوْخشایێر

 قوْشار: تبریزلی حاج رضا صرّاف

ائی عم اوْغلێ گتیریب درد-ی-غمین جانه منی

سالێـب آهـو کیمـی بــۇ دشـت-وْ-بییـابانـه منی

 

نه بیلیر سئلسئله‌ی-ی-عئشقه دۆشه‌ن عار نه‌دیر؟

جـور-ی-بیـگـانـه نـه‌دیـر؟ طعنــه‌ی-ی-اغیـار نـه‌دیــر؟

بـاخمــارام دئیــر-وْ-کئلیســا نـــه‌دی، بــازار نــه‌دیـر؟

گئده‌ره‌م جذبـه‌ی-ی-عئشقین چکـه هـر یانـه منـی

 

من عزیزه‌م گره‌ک عالــه‌مــده اؤلـه‌م عیـززه‌تیلــه‌ن

هۆده‌ج-ی-تخـت-ی-روانیـم، چکیلــه حؤرمه‌تیلــه‌ن

ایندی هـۆده‌ج یئرینـه، اهـل-ی-جفــا ذیللــه‌تیلـه‌ن

میندیریب‌دیر باش آچێق، ناقه‌ی-ی-عوریانه منـی

 

نئیزه باشێنـدا باشێــن گـۆن کیمـی جـولانه گلیـب

نــه تجــلّادی تـــماشــاسینـــه بیگــانــــه گـلیــب

چکمیشه‌م هر نه موصیبت بۇ چۆرۆک جانه گلیب

اؤلـدۆرۆر اینـدی نئدیم 1 طعنـه‌ی-ی-بیگانه منـی

 

من مریض-ی-غم-ی-عئشقه‌م، منه تدبیر نه‌دیر

زولـف زنجیـری بسیـم‌دیـر، داخـێ زنجیـر نه‌دیـر

بیلـمیـره‌م آتـش-ی-آهیمـده کـی تأثیـر نـه‌دیــر

قوْیـۇب عاله‌مده بـۇ نـوعیـلـه یـانـا-یـانــه منــی

 

گئتمـه‌ره‌م شامـه عـم اوْغلـێ بـۇیـۇر آخه‌ر نئـده‌ره‌م2

معجه‌ریم یـوْخســا یــۆزه زولفیمــی حاییــل ائـده‌ره‌م

آلمێشـام گـوشـه‌ی-ی-ویرانـه سـوْراغێــن گئـده‌ره‌م

خـــانــه ویـران ائـــده تـــا منــزیـل-ی-ویــرانـه منــی

 

نئیــزه‌ده بیــرجـه دوْلان حـال-ی-پـریشـانیـمـه بـاخ

دل-ی-بـوریانیمـه باخ، سینـه‌ی-ی-سـوزانیمـه بـاخ

قارێشێب‌دیر گؤزۆمـۆن یاشـێ، جیگـه‌ر قانیمـه باخ

نئجـه گـؤر غـرق ائلـه‌ییـب لالـه صیفـه‌ت قانه منی

 

عقـره‌ب-ی-زولفـی قـرین-ی-مـه-ی-تـابـان ائلـه‌دیــن

مـن پریشـانــی عجـــه‌ب زار-وْ-پـریشــان ائـلــه‌دیـــن

سینه‌می نـاوه‌ک-ی-موژگانیلـه شـان-شـان ائلـه‌دیـن

ائیلـه‌دیـن خانــه‌ی-ی-زنبــوریـلــه هــم خــانــه مـنـی

 

اکیلیب آیینه‌ی-ی-حـوْسنیوه کـؤنلـۆم کیمـی گَرد

دۆزۆلۆب عوره‌ت اۇشاق، پیر-وْ-جـوان-وْ-زن-وْ-مـرد

هامێ‌نێن فیکری بۇدۇر دردیمین اۆسته قوْیـا درد

گتیریب نئـی کیمـی بـۇ درد-وْ-غـم افغـانـه منـی

 

بــۇ قـده‌ر زولفیـوی روخســاره نیقـاب ائتمـه‌گیـلــه‌ن

بۇنـدان آرتێـق منـی، گَـل خـانـه خـراب ائتمـه‌گیلـه‌ن

قوْی جمالین گؤره شام اهلی، حیجاب ائتمـه‌گیلـه‌ن

چـون بیلیـر قـوم-ی-جفـا، بـوْش یئــره دیــوانه منــی

 

آغلارام بزم-ی-موصیبتده، سنـه تـا ساغـام

شهر-ی-تبریزیـده صرّاف کیمـی دوستـاغـام

نئچه مودده‌تدی سنین درگَهیوه موشتاغـام

ایسته حضّاریله بۇ وقفه‌ی-ی-قۇربانی منـه

 

ــــــــــــــــــــــــــــــــــــــــــــــــــــــــ

1- نه ائدیم

2- نه ائده‌ره‌م


 
عم اوغلو نوحه‌سی1
ساعت ٩:۱٩ ‎ق.ظ روز ۱۳۸۸/٦/۱   کلمات کلیدی: متن نوحه ،حضرت قاسم ع

شام یوْلۇندا حضرت قاسمع آداخلێ‌سێ اوْخشایێر

 

قوْشار: تبریزلی حاج رضا صرّاف

 

زۆلـف-ی-سییه‌هون1 یۆزده پریشاندور2 عم اوْغلێ

شانه کیمی کؤگلۆم اوْدۇ شان-شاندی عم اوْغلێ

 

قۇربـان‌گـه-ی-عئشقه سن اوْلان وقتده‌ن عازیـم

همـده‌م غـم اوْلــۇبــدۇر منــه انــدوه-ی-مـلازیـم

من بستـه‌ی-ی-عئشقـه‌م منه زنجیـر نـه لازیـم

زنجیریم اوْ گیسـوی-ی-پریشـانـدور عـم اوْغلـێ


 
دیوان صراف
ساعت ٩:٢۳ ‎ق.ظ روز ۱۳۸۸/٢/٢٢   کلمات کلیدی: مقاله ،کتاب ،متن نوحه

دیوان صرّاف تبریزی

(مدح‌لر، نوحه‌لر، مرثیه‌لر)

  sarraf

انتشارات ناصر-قم-خیابان شهدا-کوچه آمار-تلفن:7743400-همراه:09122524699-صندوق الکترونیکی: naser@ketabeqom.com قیمت: 1500 تومان

سهمانلیانلار: فتح‌الله ذوقی-نظامعلی قیچلوئی جاوید

چاپ نوبه‌سی: {بۇ یایێن ائویله} بیرینجی

چاپ یئری و ایلی: سیدالشهدا چاپ ائوی- 1386‌ینجی گۆنه‌ش ایلی (قێش)- سای: 2000

ساتێش یئری: آذربایجان کیتاب ائوی

سالێق: قۇم - ارم خیاوانی - قدس پاساژی – بئشینجی قات – پلاک 174


 
کتاب 1
ساعت ٩:٢۱ ‎ق.ظ روز ۱۳۸۸/٢/٢٢   کلمات کلیدی: کتاب ،مقاله

معرفی کتاب

"صـرّاف سخـن"

مجموعه مقالات همایش بزرگداشت یکصدمین سال وفات حاج رضا صراف تبریزى

ناشر: حوزه هنری سازمان تبلیغات اسلامی استان آذربایجان شرقى


 
آثار صراف
ساعت ٢:٠٩ ‎ب.ظ روز ۱۳۸۸/٢/٢۱   کلمات کلیدی: مقاله

نگاهی به آثار صرّاف تبریزی

گئزیب من گؤرمئدیم دۆنیانی، میحنه‌ت خانه ده‌ن غئیری

تاپێلماز کؤنجی-راحت، گوشه‌ی-ی-مئیخانه ده‌ن غئیری

انیس-ی- بزم-ی-خلوت یوخ، غم جانانه ده‌ن غئیری

دئمه صرّاف،سن ده یازدیگین افسانه ده‌ن غئیری

اوْلان مجنون کیمی زنجیرِ-ی-عئشقه، بسته جانیم وای

وطن آواره‌سی،غۆربت اسیری، خسته جانیم وای

 

Sərraf təbrizi


 
بیر شعر
ساعت ۱٢:٠٥ ‎ب.ظ روز ۱۳۸۸/٢/٢۱   کلمات کلیدی: شعر

من ترک شراب لب یار ائیلدیم اولدی

زهر غم هجریله مدار ائیلدیم اولدی

ای شیخ بهشتی دئمه ترک ائیلییه ن اولماز

من ترک سر کوی نگار ائیله دیم اولدی

اؤز جانینی ترک ائیلییه ن اولماز من اؤزومدن

روحوم کیمی جانانی کنار ائیلدیم اولدی

ممکن دگی بیر محنته مین جان دؤزه اما

من جانیمی مین درده دچار ائیلدیم اولدی

دانسته و فهمیده خط و خاله وورولدوم

اؤز اؤز گونومو تیره و تار ائیلدیم اولدی

هئچ کیمسه اؤزون خار و ذلیل ایسته مز اما

من اؤز اؤزومو دهرده خار ائیلدیم اولدی

عرفان نظربازی و رندی و ظریفی

عالمده خلاصه نکی وار ائیلدیم اولدی

صرافه دئدیم حکمتیلن یوخ وار اولانماز

گولدی دئدی باخ گؤر یوخی وار ائیلدیم اولدی

 

قایناق:

زن متولد ماکو


 
صراف و مبارزه شعری
ساعت ۱۱:٤٩ ‎ق.ظ روز ۱۳۸۸/٢/٢۱   کلمات کلیدی: شعر ،مقاله

تبریزلی‌ صرّاف‌

تبریزلی‌ حاج‌ رضا صراف‌ غزل‌ و نوحه‌ ژانریمیزین‌ اَن‌ پارلاق‌ سیمالرینده‌ن‌ دیر. او 1271 قمری‌ده‌ تبریزده‌ آنادان‌ اولموش‌ و 1325 ربیع‌الاول‌ آیی‌نین‌ 17 سینده‌ حقه‌ساری‌ قاناد چالمیش‌ دیر. بیر سیرا یازیچی‌ و آراشدیریجی‌لار صرّافی‌ تورک‌ دونیاسینین‌ حافظی‌ آد وئره‌ره‌ک‌، غزل‌لرین‌ حافظ‌له‌ قیاس‌ ائتمیش‌لر. اونون‌ دادلی‌ - دوزلو غزل‌لرینده‌ن‌ علاوه‌، اوره‌ک‌ یاندیریجی‌ نووحه‌ و مرثیه‌لری‌ده‌ وارکی‌، هله‌لیک‌ آذربایجانین‌ یاس‌توره‌نلرینده‌ حزن‌له‌ اوخونار.

صرافین‌ مشروطه‌ یاخود مبارز شعرلری‌ نه‌قدر دیرسه‌، الده‌ آزدیر. بو شعرلرده‌ن‌ بللی‌ اولورکی‌، شاعیر صراف‌ یالنیز غزل‌ و مرثیه‌ یازماغا کفایت‌لنمه‌میش‌ و چاغینین‌ حرکت‌لرینه‌ده‌ اعتناسیز اولمامیش‌ دیر. صرافین‌ اَن‌معروف‌ مستزادی‌کی‌ مشروطه‌ دؤورو یازمیش‌ دیر بئله‌ باشلانیر:

 

ای‌ ملت‌ اسلام‌ اویان‌ وقت‌ سحردی گؤر بیر نه‌ خبردی‌

بس‌ دور بو قدر یاتما چورورسن‌ نه‌ خبردی‌ دور وقت‌ سحردی‌

غافل‌ دوشوبن‌ دینیوی‌ دونیایه‌ ساتیبسان‌ یوز ایلدی‌ یاتیبسان‌

بس‌ دور گؤزون‌ آچ‌سنده‌ کسالت‌ نه‌ خبردی‌ دور وقت‌ سحردی‌

مین‌ یئرده‌ن‌ آییلدیر سنی‌ بی‌چاره‌ احبّاء ترپنمه میش‌ اصلا

یاتماق‌ بئله‌ اولماز بو اولومدنده‌ بتردی‌ دور وقت‌ سحردی‌

تاپدیر سنی‌ همسایه‌لرین‌ دورما دئییریات‌ کئچمیش‌ اولا هیهات‌

بو دوره‌ده‌ هر کیمسه‌ یاتا قانی‌ هدردی‌ دور وقت‌ سحردی‌

 

قایناق

 Azerbaycan bilim ocaqi


 
بیر غزل
ساعت ۱۱:٢٩ ‎ق.ظ روز ۱۳۸۸/٢/٢۱   کلمات کلیدی: شعر

لازیمدیر - میرزا رضا صراف تبریزی

 

اگر چه ناز و غمزه او بت طنازه لازیمدیر

ولی ناز ائتمگه بیر حد و بیر اندازه لازیمدیر

گؤتور مرحم طبیبیم توتما زخم سینه سوراخین

بو دارالملک عشقه بیر آچیق دروازه لازیمدیر

کؤنول مشاطه قانین شیشه یه گر توتسا قوی توتسون

رخ جانانه چون زینت زمانی قاره لازیمدیر

اگر سلطان ملک عشق سن وئر ساخلاما باشین

خیال منصب سرداریلیق سربازه لازیمدیر

منی صباغ درد و غم بویار هر گونده بیر رنگه

یقین معشوقه عشقه لباس تازه لازیمدیر

چیخیب ترتیب دن اوراق اولوب مجموعه جسمیم

محبت رشته سیندن جلدیمه شیرازه لازیمدیر

نهفته رازدیر آغزین اونی اغیاره بولدورمه

او گیزلین سره همراز اولماق اهل رازه لازیمدیر

دگیل لازیم کؤنول گنجشکینی پابند زلف ائتمک

او محکم پاچه بند ای نازنین شهبازه لازیمدیر

چمنده باغبان شمشاد و سروین ریشه دن کسدی

گؤروب چون شانه شمشاد او سرو نازه لازیمدیر

دئیین صرافه چوخ لاف محبت ویرما آرام اول

بساط عشقی گؤرمک صاحب اعجازه لازیمدیر

 

قایناق: قایاقیزی وبلاگی- شهربانو


 
نوحه3
ساعت ۱٠:٠٠ ‎ق.ظ روز ۱۳۸۸/٢/٢۱   کلمات کلیدی: متن نوحه

حضرت سیدالشهدا(ع)نین باشێ اۆسته خانێم زینب (س) دیلیجه

قوْشار: تبریزلی رضا صّراف

 

ائی حۆسئین، ائی تاجدارێم، أینَ أنتَ یا أخی

گئتدی الده‌ن ایختییاریم، ، أینَ أنتَ یا أخی


 
نوحه
ساعت ٩:٥٩ ‎ق.ظ روز ۱۳۸۸/٢/٢۱   کلمات کلیدی: متن نوحه

ایمام حۆسئین(ع)ین شهادتی نوحه‌سی

قوْشار: تبریزلی رضا صرّاف

جناب صرّافین بۇ نوحه‌سی کئچمیش نسیلده لاپ تانێنمێش بیر نوحه‌دی و ایندیده چوْخ کندلرده بۇ نوحه‌نی اوْخۇیارلار:

 

اله دسمال آلێب آغلا

یارالاندێم باجێ زینب

اؤزۆن گل یاره‌می باغلا

یارالاندێم باجێ زینب 


 
حضرت زهرا س نوحه سی
ساعت ۱٢:٥۱ ‎ب.ظ روز ۱۳۸۸/٢/۸   کلمات کلیدی: مقاله ،متن نوحه

حضرت صدیقه طاهره (س)‌نین شهاده‌تینده نوحه

قوْشار: تبریزلی رضا صراف

 

چون محبت بزمی خلوت‌دیر عم‌اوْغلێ یا علی

گل ائده‌ک صحبت غنیمت‌دیر عم‌اوْغلێ یا علی


 

بیر دقیقه قوْیمادێ عالمده قلبین شاد اوْلا

درد-ی-محنتده‌ن موبارک خاطیرین آزاد اوْلا

چوْخ اذیت‌لر سنه وئردیم ائوین آباد اوْلا

ایندی وقت-ی-رفع-ی-زحمت‌دیر عم‌اوْغلێ یا علی

 

دوْیمادێم بۇ عالم-ی-الفت‌ده سنده‌ن آغلارام

قبرده هم ائیله‌ره‌م شوریله شیون آغلارام

آغلاما مندن سوْرا سن آغلاسان من آغلارام

باخمارام فردوس-ی-جنّت‌دیر عم‌اوْغلێ یا علی

 

دوْققۇز ایل اوْلدۇم بۇ دولتخانه‌ده همسه‌ر سنه

متّصل وئردیم بۇ دوْققۇز ایلده درد-ی-سر سنه

ایندی گل اگله‌ن باشێم اۆستۆنده سرتاسر سنه

عرض ائدیم نئچچه وصیّت‌دیر عم‌اوْغلێ یا علی

 

اوّله‌ن عرضیم بۇدۇر اؤلسه‌م اگر بۇ گۆنده من

اؤز الینله‌ن وئر گئجه غوسلیم، گئجه ائیله کفه‌ن

وۇرسا ال تابۇتیمه بیگانه راضی اوْلما سن

روحیمه آرتێق اذیّت‌دیر عم‌اوْغلێ یا علی

 

ثانییه‌ن منده‌ن سوْرا ائی خسرو-ی-گردون مدار

عورت آلسان بیر نجیبه عورت ائیله ایختییار

غم گۆنۆ تا زینب-ی-کلثومه اوْلسۇن غمگوسار

ائیله‌سین هر نوع حۆرمت‌دیر عم‌اوْغلێ یا علی

 

بیرده قلبین مجتبادن اینجییه هر آن سنین

گئچ حۆسئینیم جانینه من جانۇوا قۇربان سنین

قوْیما غم چکسین خصوصه‌ن جان حۆسئینین جان سنین

چون اوْ جدّینده‌ن امانت‌دیر عم‌اوْغلێ یا علی

 

من بۇنۇن چوْخ زحمه‌تین چکدیم نه آسان بسله‌دیم

پرورش وئردیم گۆل اۆسته طورفه-ی-رئیحان بسله‌دیم

سسله‌یه‌نده جان دئ، منده جان دئدیم جان بسله‌دیم

چون جفاسی جانه منّت‌دیر عم‌اوْغلێ یا علی

 

بۇ حۆسئینی کی سنه تاپشێردێم ایندی رو-به-رو

دقّت‌ایله‌ن باخ نئجه وئرسه‌م ائله آللام گئرو

باش بدنده، بارماق الده، ال بیله‌کده، مو-به-مو

گؤر هامێ عضوین سلامت‌دیر عم‌اوْغلێ یا علی

 

چوْخ مکدّر اوْلسا وار بۇ سؤزده درد-ی-سر یئری

یاخشێ باخ سالێمدی برگ-ی-گۆل تک آخه‌ر هر یئری

نه باشێندا وار قیلیج نه سینه‌ده خنجه‌ر یئری

نه بدن یئکسه‌ر جراحت‌دیر عم‌اوْغلێ یا علی

 

نور-ی-دیده‌م دیر حۆسئن باعیثدی چون گؤز یاشیمه

من گؤزۆمده‌ن سالمامێش سن تاپشێر آل-ی-هاشیمه

........

ایستی کۆللــه‌ر اۆسته راحت‌دیر عم‌اوْغلێ یا علی

 

عاشیق-ی-جانبازدیر گیرم حۆسئینیم یوْخ سؤزۆم

منده نقد-ی-عئشقی خرج ائتمه‌کده صرّافم اؤزۆم

بیر بدن دؤرت مین یارا لاکین نئجه گؤرسۆن گؤزۆم

گؤر بۇ اینصاف-وْ-مروّت‌دیر عم‌اوْغلێ یا علی


 
صراف تبریزی
ساعت ۱٢:٤۸ ‎ب.ظ روز ۱۳۸۸/٢/۸   کلمات کلیدی: مقاله ،متن نوحه

تبریزلی حاج رضا صراف

نوحه ای از او درباره حضرت ابوالفضل(ع)

 

ذوالجناح اۆسته‌ن یێخێلدێ چون صراط المستقیم
سؤیله‌دی اول دم‌ده بسم‌الله الرحمان الرحیم
(چون صراط‌ مستقیم از ذوالجناح بر زمین افتاد

در آن لحظه گفت بسم الله الرحمن الرحیم)

بی گمان دخیل مراغه‌ای، صراف تبریزی، قمری دربندی [داغستان روسیه] و راجی تبریزی چهار شاعر بزرگ مرثیه ترکی هستند، و صراف تبریزی در بین این چهار نفر با داشتن غزلیات لطیف و مراثی زیبا دارای جایگاه ویژه‌ای است